9 ilin hegemonları: Hərəyə 6 mükafat

506173

 

FİFA-nın keçirdiyi səsvermə nəticəsində 2016-cı ilin ən yaxşı futbolçusu seçilən Kriştianu Ronaldu Lionel Messiyə çatıb.

Apasport.az xəbər verir ki, “France Football”ın təsis etdiyi “Qızıl top” və ali futbol qurumunun təqdim etdiyi mükafatların ümumi sayında portuqaliyalı ilə argentinalı arasında tarazlıq yaranıb.

Onların hərəsi 6 dəfə ən yaxşı adına layiq görülüb. Təbii ki, bu adlar fərqli versiyalar üzrədi.

1956-2009-cu illərdə və 2016-cı ildə keçirilən “Qızıl top”u qazanmaqda Ronaldu Messini qabaqlayır – 2:1. Portuqaliyalı 2008 və 2016, argentinalı 2009-da bu ada yiyələnib.

1991-2009-cu illərdə, həmçinin 2016-cı ildə FİFA-nın keçirdiyi “İlin futbolçusu” nominasiyasında da eyni vəziyyətdi. Ronaldu 2008 və 2016, Messi 2009-da güclü olub.

2010-2015-ci illərdə FİFA və “France Football” birlikdə mükafat təqdim edib. “FİFA Qızıl top”unu da məhz bu cütlük qazanıb. Burada Messinin üstünlüyü daha böyükdü. Cənubi amerikalı 2010, 2011, 2012 və 2015-də, pireneyli 2013 və 2014-cü ildə qalib adını qazanıb.

Futbolçular hegemonluq etdikləri son 9 ildə hərəyə 6 mükafat qazansa da, Messi 5 dəfə rəqibindən üstün olub. Çünki onun 6 mükafatı 5 müxtəlif ilə təsadüf edibsə, Ronaldu 4 ildə əsas rəqibini üstələməklə eyni sayda mükafata yiyələnib.

Qeyd edək ki, digər müxtəlif qurumlar tərəfindən də ilin ən yaxşısı seçilsə də, FİFA və “France Football”ın sorğuları daha sanballı hesab edilir.

 

Gunxeber.com

XƏBƏR LENTİ

Copyright © 2017 Gunxeber.com